କିଏ ଥିଲେ ମେଜର ଧ୍ୟାନଚାନ୍ଦ? ଜାଣନ୍ତୁ ଭାରତର ହକି କିମ୍ବଦନ୍ତୀ ବିଷୟରେ 10ଟି ରୋଚକ ତଥ୍ୟ | Interesting Facts to know about Major Dhyanchand

ଭାରତର ସର୍ବକାଳୀନ ଶ୍ରେଷ୍ଠ ହକି ଖେଳାଳି ମେଜର ଧ୍ୟାନଚାନ୍ଦଙ୍କ ବିଷୟରେ ଦଶଟି ରୋଚକ କିମ୍ବା ଅଜଣା କଥା ଉପରେ ନଜର ପକାନ୍ତୁ ଭାରତୀୟ ହକିର ଶ୍ରେଷ୍ଠ ଖେଳାଳି ଭାବେ ପରିଚ...

ଭାରତର ସର୍ବକାଳୀନ ଶ୍ରେଷ୍ଠ ହକି ଖେଳାଳି ମେଜର ଧ୍ୟାନଚାନ୍ଦଙ୍କ ବିଷୟରେ ଦଶଟି ରୋଚକ କିମ୍ବା ଅଜଣା କଥା ଉପରେ ନଜର ପକାନ୍ତୁ

ଭାରତୀୟ ହକିର ଶ୍ରେଷ୍ଠ ଖେଳାଳି ଭାବେ ପରିଚିତ ମେଜର ଧ୍ୟାନଚାନ୍ଦ 1928, 1932 ଓ 1936 ଅଲିମ୍ପିକ୍ସରେ ଭାରତକୁ ପ୍ରତିନିଧିତ୍ୱ କରି ତିନିଥର ସ୍ୱର୍ଣ୍ଣ ପଦକ ଜିତିଥିଲେ। 1926ରୁ 1949 ପର୍ୟ୍ୟନ୍ତ ସେ ଅନ୍ତର୍ଜାତୀୟ କ୍ରିକେଟ୍ ଖେଳିଥିଲେ। ଉଲ୍ଲେଖୟୋଗ୍ୟ, ଅଗଷ୍ଟ 29 ତାରିଖରେ ତାଙ୍କ ଜନ୍ମଦିନକୁ ଭାରତର ଜାତୀୟ କ୍ରୀଡ଼ା ଦିବସ ଭାବେ ପାଳନ କରାୟାଇଥାଏ। ପ୍ରତିବର୍ଷ ଏହି ଦିନ କ୍ରୀଡ଼ା କ୍ଷେତ୍ରରେ ଉତ୍କର୍ଷ ପାଇଁ ସର୍ବୋଚ୍ଚ କ୍ରୀଡ଼ା ସମ୍ମାନ ରାଜୀବ ଗାନ୍ଧୀ ଖେଳରତ୍ନ, ଅର୍ଜୁନ ଏବଂ ଦ୍ରୋଣାଚାର୍ୟ୍ୟ ପୁରସ୍କାର ଘୋଷଣା କରାୟାଇଥାଏ। 1956 ମସିହାରେ ଧ୍ୟାନଚାନ୍ଦଙ୍କୁ ପଦ୍ମଭୂଷଣ ସମ୍ମାନରେ ମଧ୍ୟ ସମ୍ମାନିତ କରାୟାଇଥିଲା।

ଭାରତୀୟ ପୁରୁଷ ହକି ଦଳର କାଂସ୍ୟ ପଦକ ଜିତିବା ପରେ ଏବଂ ମହିଳା ଦଳର ଉଲ୍ଲେଖନୀୟ ପ୍ରଦର୍ଶନ ପରେ ହଜାର ହଜାର ନାଗରିକ ସୋସିଆଲ ମିଡିଆ ମାଧ୍ୟମରେ ହକିକୁ ତାଙ୍କର ପ୍ରମୁଖ ଅବଦାନ ପାଇଁ ଏହି କିମ୍ବଦନ୍ତୀ ଖେଳାଳିଙ୍କୁ ଶ୍ରଦ୍ଧାଞ୍ଜଳି ଜଣାଇବାକୁ ଅନୁରୋଧ କରିଛନ୍ତି। ନାଗରିକଙ୍କ ଅନୁରୋଧକୁ ଦର୍ଶାଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅଗଷ୍ଟ 6 ତାରିଖ ଦିନ ରାଜୀବ ଗାନ୍ଧୀ ଖେଳରତ୍ନ ପୁରସ୍କାରର ନାମ ମେଜର ଧ୍ୟାନଚାନ୍ଦ ଖେଳରତ୍ନ ପୁରସ୍କାରରେ ନାମିତ କରିବାକୁ ଘୋଷଣା କରିଥିଲେ।

ଆସନ୍ତୁ ଜାଣିବା ଏହି କିମ୍ବଦନ୍ତୀ ସମ୍ପର୍କରେ 10ଟି ରୋଚକ କଥା :

• ଆହ୍ଲାବାଦରେ ଜନ୍ମିତ ଏବଂ ଲାଳନପାଳନ କରିଥିବା ଧ୍ୟାନଚାନ୍ଦଙ୍କୁ ତାଙ୍କ ସାଥୀ ଲୋକମାନେ 'ଚାନ୍ଦ' ବୋଲି ଡାକୁଥିଲେ କାରଣ ସେ ଅନେକ ସମୟରେ ଡ୍ୟୁଟି ସମୟ ପରେ ରାତିରେ ଚନ୍ଦ୍ରର ଆଲୋକ ତଳେ ହକି ଅଭ୍ୟାସ କରୁଥିଲେ। ମାତ୍ର 16 ବର୍ଷ ବୟସରେ ସେ ଭାରତୀୟ ସେନାରେ ଯୋଗ ଦେଇଥିଲେ।
• ସେନାରେ ଥିବା ସମୟରେ ସେ ଖେଳର ପର୍ୟ୍ୟବେକ୍ଷକଙ୍କୁ ପ୍ରଭାବିତ କରିଥିଲେ। କେବଳ ସେତିକି ନୁହେଁ, ଯେତେବେଳେ ନବଗଠିତ ଭାରତୀୟ ହକି ମହାସଙ୍ଘ (ଆଇଏଚ୍ଏଫ୍) ଆମଷ୍ଟରଡାମ୍ରେ 1928 ଅଲିମ୍ପିକ୍ସ ପାଇଁ ଏକ ଦଳ ପଠାଇବାକୁ ନିଷ୍ପତ୍ତି ନେଇଥିଲା, ସେତେବେଳେ ମଧ୍ୟ ତାଙ୍କୁ ଟ୍ରାଏଲ ପାଇଁ ଡକାୟାଇଥିଲା।
• ସଫଳତାର ସହ ସେ ଅଲିମ୍ପିକ୍ସରେ ମାଟି ମାରିଥିଲେ ଏବଂ ପାଞ୍ଚଟି ମ୍ୟାଚ୍ ଖେଳି 14ଟି ଗୋଲ୍ ଦେଇ ଟୁର୍ଣ୍ଣାମେଣ୍ଟର ସର୍ବାଧିକ ଗୋଲ୍ ସ୍କୋରର ହୋଇଥିଲେ।
• 1932 ଅଲିମ୍ପିକ୍ସ ପାଇଁ ଯେତେବେଳେ ଭାରତୀୟ ଦଳ ଚୟନ ହେଲା ସେତେବେଳେ ଧ୍ୟାନଚାନ୍ଦଙ୍କୁ କୌଣସି ଟ୍ରାଏଲର ଆବଶ୍ୟକତା ପଡିନଥିଲା, ଆଉ ଏଥର ତାଙ୍କ ଭାଇ ରୂପ ସିଂହ ମଧ୍ୟ ଏହି ଦଳରେ ସାମିଲ ହୋଇଥିଲେ।
• ଭାରତୀୟ ହକି ଖେଳାଳି ଲସ୍ ଏଞ୍ଜେଲସ୍ କ୍ରୀଡ଼ାରେ ମାତ୍ର ଦୁଇଟି ମ୍ୟାଚ୍ ଖେଳି 12 ଗୋଲ୍ ଦେଇଥିଲେ ଏବଂ 13 ଗୋଲ୍ କରିଥିବା ତାଙ୍କ ଭାଇ ତାଙ୍କୁ ପଛରେ ପକାଇ ଦେଇଥିଲେ।
• 1936 ଅଲିମ୍ପିକ୍ସ କ୍ରୀଡ଼ାରେ ଭାରତୀୟ ହକି ଦଳର ଅଧିନାୟକ ଭାବେ ଧ୍ୟାନଚାନ୍ଦ ବର୍ଲିନ ଅଭିମୁଖେ ଯାତ୍ରା କରିଥିଲେ।
• ବର୍ଲିନ୍ ଖେଳ ଶେଷ ହେବା ବେଳକୁ ସେ ପାଞ୍ଚଟି ମ୍ୟାଚ୍ ଖେଳି ମୋଟ୍ 11ଟି ଗୋଲ୍ ଦେଇଥିଲେ। ସୂଚନାୟୋଗ୍ୟ, ବର୍ଲିନରେ ଖେଳାୟାଇଥିବା ମ୍ୟାଚ୍ର ଦ୍ୱିତୀୟାର୍ଦ୍ଧରେ ମଧ୍ୟ ସେ ନିଜ ଗତିକୁ ବଢ଼ାଇବା ପାଇଁ ଖାଲି ପାଦରେ ଖେଳିଥିଲେ।
• 1956 ମସିହା ଅଗଷ୍ଟ ମାସରେ ସେ ଭାରତୀୟ ସେନାରୁ ଲେଫ୍ଟନାଣ୍ଟ ଭାବେ ଅବସର ଗ୍ରହଣ କରିଥିଲେ ଏବଂ ଫଳସ୍ୱରୂପ ତାଙ୍କୁ ଭାରତର ତୃତୀୟ ସର୍ବୋଚ୍ଚ ବେସାମରିକ ସମ୍ମାନ ପଦ୍ମଭୂଷଣ ସମ୍ମାନରେ ସମ୍ମାନିତ କରାୟାଇଥିଲା।
• ସାଧାରଣତଃ ଷ୍ଟିକ୍ ଓ ବଲ୍ ଉପରେ ନିୟନ୍ତ୍ରଣ ରଖି ନିଜର ଦକ୍ଷତା ପାଇଁ ତାଙ୍କୁ 'ବିଜାର୍ଡ ମେଜର' ଧ୍ୟାନଚାନ୍ଦ ବୋଲି ମଧ୍ୟ କୁହାୟାଏ।
• 1979 ମସିହା ଡିସେମ୍ବର 3 ତାରିଖରେ ଧ୍ୟାନଚାନ୍ଦ ଶେଷ ନିଶ୍ୱାସ ତ୍ୟାଗ କରିଥିଲେ। ଲିଭର କ୍ୟାନସର ଯୋଗୁଁ ତାଙ୍କର ମୃତ୍ୟୁ ହୋଇଛି।